Një person i moshuar është arrestuar para ndërtesës së Kuvendit të Serbisë në Beograd ndërkohë që po zhvillohet protesta e sotme kundër pushtetit të Vuçiqit. Siç raportojnë mediat serbe, personi i dyshuar iu afrua rojeve dhe i kërcënoi me bomba dhe më pas u arrestua.
Qytetarë të shumtë po vijnë nga i gjithë Beogradi para Kuvendit të Serbisë, ku në orën 16:00 do të organizohet një tubim qëndror, raporton Kurir.
Studentët dhe qytetarët e tjerë të Serbisë kanë muaj që protestojnë kundër regjimit në pushtet. Kjo ka vazhduar që nga tragjedia që ndodhi në Novi Sad më 1 nëntor pasi një mburojë betoni te stacioni hekurudhor në këtë qytet u shemb dhe vrau 15 persona.
Lajmi kryesor:
Beogradi 'vlon' nga protesta, 107 mijë qytetarë bashkë kundër pushtetit të Aleksandër Vuçiç: Populli nuk të mbështet më! Presidenti: E kuptuam mesazhin (FOTO+VIDEO)
A.Q/ReportTv.al
Komente
