SHKODER - Tifozët e ekipit të Tiranës janë përleshur me njëri-tjetrin në stadiumin "Loro Boriçi" të Shkodrës.
Incidentet ndodhën teksa bardheblutë po humbisnin 2:0 përballë verilindorëve të Kukësit, ndeshje kjo e vlefshme për javën e tretë të Superiores. Për shuarjen e sherrit mes grupimit "Tirona Fanatis", është dashur ndërhyrja e forcave të policisë, të cilët kanë nxjerrë jashtë stadiumit ultrasit kryeqytetas.
Shkak për përplasjen kanë qenë fyerjet e një grupi të tifozerisë ndaj presidentit të Tiranës, Refik Halili. Kjo ka bërë që ultrasit e tjerë të reagojnë dhunshëm dhe për rrjedhojë prodhuan incidentin gjatë ndeshjes. Ndeshja përfundoi me fitoren e Kukësit me shifrat 3:1.
Komento
Komente
Bajgëri e gjallë
Përgjigju