INDI- Një avion me 190 pasagjerë në bord është përplasur në tokë ndërsa ishte duke zbritur në Kerala të Indisë.
Drejtoria e Përgjithshme e Aviacionit Civil tha se avioni, Air India Flight IX-1344 rrëshqiti gjatë zbarkimit në Aeroportin Karipur gjatë pasdites.
"Disa pasagjerë janë lënduar", i tha Reuters një zëdhënës i Air India.
Policia lajmëron se dyshohet për të paktën 15 të vdekur dhe 35 të plagosur. Zyrtarët kanë udhëzuar Policinë dhe Forcën e Zjarrfikës që të ndërmarrin veprime urgjente në vazhdën e rrëzimit të aeroplanit në aeroportin Ndërkombëtar Kozhikode në Karipur", shkroi në Twitter kryeministri i Kelala.
Fotografitë nga ngjarja që ishin postuar në mediat sociale tregonin se avioni ishte thyer në dy pjesë. Avioni po shkonte nga Dubai në Emiratet e Bashkuara Arabe për në Indi. Përveç pasagjerëve në avion kishte gjashtë anëtarë të ekuipazhit në bord.
Sipas raportimeve më të fundit të paktën 15 persona kanë mbetur të vdekur dhe dhjetëra të tjerë janë plagosur. Fluturimi Boeing-737 nga Dubai kishte në bord Indianët të cilët u bllokuan jashtë shtetit për shkak të pandemisë së koronavirusit. Në një deklaratë zyrtare, Drejtoria e Aviacionit Civil tha se kishte 190 pasagjerë dhe ekuipazh në bord, mes tyre ishin edhe 10 foshnje, shkruan Reuters.
Shefi i policisë në Kerala tha se të paktën 15 persona kanë humbur jetën, ndërsa 4 pasagjerë janë akoma nën rrënojat e aeroplanit.
