Indrit Sula është bletërritësi që ka ngritur një park me 500 koshere bletesh në Zerqan të Bulqizës. 42-vjeçari është kthyer para disa vitesh, për të inevstuar në vendlindje paratë e fituara në emigrim.
“Bletët i ka pas baba im por ka pas pak. Në 2001 shkova në Greqi u mora atje me bletët dhe në 2010 jam kthyer në Zerqan. Sot kam 500 koshere”.
Indriti po motivon dhe të rinjtë e zonës, siç është Malvin Lala nga fshati Strikcan, i cili sapo ka nisur investimin në bletari, por ankohet për subvencionet e pamjaftueshme.
“Kam tre vjet që merrem me këtë punë dhe e kam pasion bletën. Dua të lë kurbetin dhe të merrem me bletët. I kam shtu deri diku dhe dua t’i shtoj dhe më shumë. Ndihma prej1 mijë lekësh për koshere nuk del as për mjekime. Duam më shumë që ta shtojmë parkun e bletëve”, tha ai.
Aktualisht Ministria e Bujqësisë për mbarështimin e bletarisë subvecionon 1.000 lekë për koshere për fermat me jo më pak se 50 zgjoje. Ndërsa për zhvillimin e këtij sektori bletërrisit nga Bulqiza kërkojnë investime për panele diellore, magazina dhe pajisje që përdoren në bletari.
“Ne kërkojmë që këtu të bëhet si në Greqi. Atje nëse mblidhen disa bletërritës bashkë, shteti u blen pajisjet dhe magazinat dhe punojnë të gjithë bashkë. Ata subvecionen nga shteti për këto pajisje. Unë isha në Kosovë se bleva centrifugë për bletët dhe pajisjet e bletarisë. Magazinë depozitat e mjaltit, panele diellore të gjitha ia kishte dhënë shteti. Bletërritësit e rinj duhet ti subvecionojë shteti”, tha ai.
Në Bashkinë e Bulqizës numëroren 15 bletërritës që e kanë bazuar ekonominë familjare tek prodhimi e shitja e mjaltit.
Komente
