Vëllezërit kontrovers, Andrew dhe Tristan Tate të akuzuar për përdhunim, trafik njerëzor dhe pastrim parash, udhëtuan një ditë më parë me avion privat nga Rumania drejt SHBA-së.
Por çfarë thotë Shtëpia e Bradhë në lidhje me këtë situatë?
Teksa gazetarët pyetën Trump gjatë takimit me kryeministrin e Mbretërisë së Bashkuar Sir Keir Starmer për ardhjen e tyre në Florida, presidenti amerikan u shpreh se nuk dinte asgjë në lidhje me këtë.
Dy vëllezërit kanë qenë shpesh objekt i diskutimeve të fundit midis SHBA-së dhe Rumanisë. Zyrtarët rumunë thonë se homologët e SHBA sollën çështjen e vëllezërve me qeverinë rumune në fillim të këtij muaji, një histori e raportuar për herë të parë nga Financial Times. Dhe i dërguari i posaçëm i Trump, Richard Grenell e ngriti përsëri çështjen në një konferencë sigurie në Mynih.
Ministri i Jashtëm i Rumanisë, Emil Hurezeanu Hurezeanu, tha se Tates u përmendën gjatë asaj bisede, por mohoi të ishte nën presion për lirimin e tyre.
Vëllezërit Tate janë mbështetës të Trump dhe gjithashtu kanë lidhje me figura në administratën e tij. Një nga avokatët e Tate tani punon si ndërlidhës i Shtëpisë së Bardhë me departamentin e drejtësisë amerikane, shkroi BBC.
Andrew Tate fitoi famë pasi u shfaq në reality show në Mbretërinë e Bashkuar, 'Big Brother', dhe më vonë bëri një sërë deklaratash ekstreme dhe të diskutueshme për gratë dhe politikën në mediat sociale. Dyshja drejtonin një biznes me kamera në internet dhe u akuzuan për trafikim njerëzor dhe përdhunim së bashku me dy femra të dyshuara rumune në qershor të 2023-it. Megjithatë ata i kanë hedhur poshtë të gjitha akuzat.
Joseph McBride, avokati që përfaqëson Tates, tha në një deklaratë: "Ata ndihen të sigurt në Amerikë për disa arsye, e para është që Donald Trump është presidenti".
Më tej ai tha se ata janë viktima të "sistemeve ligjore të armatosura" dhe "ndjekjeve të motivuara politikisht".
McBride nuk iu përgjigj pyetjeve nëse zyrtarët e Shtëpisë së Bardhë luajtën ndonjë rol në heqjen e kufizimeve të udhëtimit kundër vëllezërve Tate.
Komente
