Inspektori i Lartë i Drejtësisë është anëtar me të drejta të plota i Rrjetit Evropian të Shërbimeve të Inspektimit të Drejtësisë (RESIJ) duke nisur nga sot.
Për dy vite ILD ka qenë në statusin e vëzhguesit, ndërsa tani ai është anëtar me të drejta të plota në rrjetin që përbëhet vetëm nga vende të Bashkimit Evropian.
Në mbledhjen e Asamblesë së Përgjithshme të RESIJ që u zhvillua sot online, të gjithë anëtarët, nga vende të Bashkimit Evropian, në mënyrë unanime vendosën të ndryshonin statusin e Inspektorit të Lartë të Drejtësisë nga vëzhgues në anëtar me të drejta të plota.
Asambleja e ardhshme e RESIJ do të mbahet në Tiranë më 14 dhjetor dhe do të mikrpitet nga Inspektori i Lartë i Drejtësisë.
Komento
