Izraeli ka shpallur një gjendje të jashtëzakonshme në qytetin qendror të Lod pas trazirave ndërsa konflikti midis forcave izraelite dhe militantëve palestinezë u intensifikua ndjeshëm më shpërthime raketash që nuk kishin të ndalur. Që nga e hëna në rajon janë hedhur të paktën 1500 raketa, si pasojë e të cilave kanë humbur jetën 40 persona dhe janë plagosur qindra të tjerë.
Në qytetin e Lod gjatë natës së djeshme ka pasur përplasjet më të fuqishme, ku dhjetëra makina, tre sinagoga dhe dyqane të shumta u përpinë nga flakët. Qeveria shpalli një gjendje të jashtëzakonshme në qytetin hebro-arab dhe dërgoi urgjentisht disa grupe të Policisë Kufitare për të punuar për të rivendosur rendin.
Kryetari i bashkisë, Yair Revivo, tha që Bashkia e Qytetit dhe një muze lokal u sulmuan gjithashtu dhe e krahasoi situatën me masakrën e Nazistëve në Kristallnacht të vitit 1938. "Lufta civile" po shpërthen, tha ai, duke theksuar se përpjekjet e disa dekadave për bashkëjetesë ishin shkatërruar.
Kryeministri Benjamin Netanyahu urdhëroi që shkelësit e ligjit të trajtohen ashpër dhe që njësitë në terren të forcohen në mënyrë që të rivendosin qetësinë dhe rendin në qytet," tha një deklaratë e qeverisë.
Militantët e Hamasit thanë se ata qëlluan me qindra raketa në drejtim të qytetit izraelit të Tel Aviv pasi një sulm ajror izraelit shkatërroi të martën një bllok kulle në Rripin e Gazës.
Ditëve të fundit, Jerusalemi ka përjetuar dhunën më të rëndë ndër vite, ku më shumë se palestinezë janë plagosur në konfrontimet me policinë izraelite jashtë xhamisë al-Aqsa të hënën.
Fillimisht kërcënimi izraelit për të zhvendosur të paktën 20 familje nga shtëpitë e tyre prej 60 vitesh nxiti përplasjet mes palëve. Përplasje që nga dita e parë e fillimit të Ramazanit, 29 ditë më parë janë tensionuar ndjeshëm orë pas ore. Një muaj më parë, policia vendosi të rrethonte sheshin para portës së Damaskut me hekura për të bërë të pamundur grumbullimin e palestinezëve atje, duke rritur ndjeshëm pakënaqësitë. Qeveria e drejtuar nga Benjamin Netanyahu është përpjekur të minimizojë tensionet duke hequr barrierat. Gjykata e Lartë gjithashtu ka shtyrë vendimin për dëbimin e mundshëm nga shtëpitë të familjeve palestineze, por sërish kjo nuk ka qetësuar situatën.
הפגיעה בצינור אשקלון אילת pic.twitter.com/GRcsn6skNj
— Dana Levi דנה
