Simone Inzaghi po shkon drejt rinovimit të tretë në aventurën e tij me Interin.
Eliminimi nga Champions League nuk e ka zbehur entuziazmin te Interi dhe klubi zikaltër duket drejt yllit të dytë në fanellë ose thënë ndryshe titullit të 20-të në histori të Serie A.
Gazetta Dello Sport bën me dije se Simone Inzaghi ka bindur drejtuesit dhe do rinovojë deri në vitin 2027 duke zgjatur me dy sezone qëndrimin, pasi kontrata aktuale skadon në verën e 2025.
Tanimë gjithçka duket se është dakordësuar mes palëve dhe deri në fundin e sezonit do vijë "e zeza mbi të bardhë", sigurisht me terma të rinovuar.
Flitet se me marrëveshjen e re Inzaghi do fitojë 5.5 milionë euro në sezon, duke rritur me 1 milionë euro të ardhurat sezonale. Kujtojmë se Inzaghi firmosi me Interin më 3 qershorin e 2021.
Komente
