Gian Piero Gasperini

Sport

Interi në finale, Gasperini tregon tre gafat e arbitrit: De Vrij jashtë loje, Dumfries shtyn Scalvinin me dy duart dhe këndore e paqenë

3 Janar, 10:30| Përditesimi: 3 Janar, 10:33

  • Share

Interi fitoi 2-0 dje kundër Atalantës dhe siguroi finalen e Superkupës së Italisë, sfidë e zhvilluar në Riad të Arabisë Saudite. Pas ndeshjes u analizuan gabimet e arbitrit në golin e parë që i hapi rrugë Interit për suksesin.

Eksperti i arbitrimit, Massimo Mauro tha se goli i parë erdhi si pasojë e një këndoreje që nuk duhej dhënë. Tanimë në Itali po kërkojnë që VAR të ndërhyjë në këto raste.

“A e shikoni se përse jemi pro ndërhyrjes së VAR në këto raste? Arbitri gaboi, i dha korne Interit, por u kthye në gabim vendimtar pasi aty u zhbllokua ndeshja. Gabim i arbitrit, por VAR duhet të ndërhyjë. Para një muaj Conte bëri një fjalim për këtë dhe unë jam shumë dakort me të. Përse nuk e merrni një minutë dhe të shihni nëse goditja e këndit ishte e rregullt? Do të evitojmë një gol të parregullt”, tha Mauro.

Trajneri i Atalantës, Gian Piero Gasperini nuk mund të qëndronte në heshtje për arbitrin.

“Përgjigja është se Interi është një ekip i fortë, për momentin më i forti. Mendoj se jemi afruar, në kampionat kur të luhet ndeshja e kthimit do të jemi edhe më afër nivelit të tyre. Interi mbetet në një nivel më të lartë teknik, por unë jami kënaqur.

Gabimi i arbitrit? Është turp për atë rast me Scalvinin edhe nëse në pjesën e parë Interi meritonte më shumë se barazimi. Nuk është e lehtë të krijosh kundër Interit, loja u kthye me atë golin absurd, një goditje inekzistente me De Vrij përballë portierit dhe një faull shumë i dukshëm nga Dumfries ndaj Scalvinit, ai e shtyn me të dyja duart. Ndërkohë VAR iu deshën shtatë minuta për të anuluar golin tonë me të drejtë për pozicion jashtë loje të De Ketelaere”, tha Gasperini.

S.Dh/ReportTv.al
Komento

Komente

  • Sondazhi i ditës:

    Trump tarifa doganore 10 për qind Shqipërisë, sa ndikon në ekonomi?