Sipas “Farsnews, e cila citon Drejtorin e Përgjithshëm të Departamentit të Inteligjencës në Iran, shtatëmbëdhjetë spiunë të trajnuar nga CIA janë identifikuar dhe arrestuar nga ana e autoriteteve të Teheranit.
Kundër të arrestuarve tashmë janë lëshuar vendime me dënime me vdekje.
Të arrestuarit akuzohen për spiunazh në dëm të shtetit islamik.
“Farsnews”, e cila është shumë e afërt me Pasdaran, rojet Revolucionare të Iranit, thotë se "Spiunët që u identifikuan, kanë punuar si kontraktorë ose konsulentë në sektorë privatë apo objekte të rëndësisë së veçantë”
Në muajin qershor, punonjësi i Ministrisë së Mbrojtjes iraniane, Jalal Haji Zwar, i cili dyshohej se bashkëpunonte me CIA-n, u ekzekutua në burgun Rajaishahr.
Zwar kishte punuar si kontraktues për Organizatën e Industrive të Hapësirës Ajrore të kontrolluara, përpara se të pushohej nga puna në vitin 2010.
Njoftimi i fushatës nga ana e inteligjencës iraniane, vjen në një kohë kur tensionet në Ngushticën e Hormuzit janë përshkallëzuar qëkurse një anije cisternë u rrëmbye nga Pasdaran.
Komente
