Këngëtarja iraniane Parastoo Ahmadi ka publikuar në kanalin e saj në YouTube videon e një koncerti në të cilin ajo performon pa hixhabin e vendosur me ligj për gratë iraniane, duke tërhequr mbështetjen e fansave të shumtë por edhe zemërimin e policisë së moralit.
E veshur me një fustan mbrëmjeje me shpatulla të zhveshura dhe flokë të gjatë të errët, Ahmadi këndon për rreth tridhjetë minuta në një shfaqje live pa audiencë, data dhe vendi i të cilit nuk dihen. Që nga revolucioni islamik i vitit 1979, grave iraniane u kërkohet të mbulojnë flokët e tyre dhe nuk lejohen të këndojnë në publik.
Ahmadi ka fituar një numër të madh fansash (mbi 14,000 ndjekës) duke postuar këngët e saj në Instagram. Pa përmendur emrin e saj, Agjencia e Lajmeve të Drejtësisë në Iran dënoi faktin se "një grup i udhëhequr nga një këngëtare femër" prodhonte "muzikë pa respektuar rregullat ligjore dhe fetare". Autoritetet “ndërhynë dhe morën masat e duhura, duke hapur procedime kundër këngëtares dhe kompanisë së prodhimit”.
Komente
