Një forcë sigurie për Gjirin në bashkëpunim me vendet e tjera të rajonit. Ky është propozimi që Presidenti iranian Hassan Rouhani do ta hedhë në Asamblenë e Përgjithshme të Kombeve të Bashkuara.
Deklarata e Teheranit duket se është një lloj kundër-sulmi ndaj akuzave të Arabisë Saudite dhe Shteteve të Bashkuara, sipas të cilave, pas sulmeve në objektet e naftës të Arabisë Saudit, në 14 shtatorit të kaluar, qëndron Irani.
Sulmi u morr përsipër nga rebelët shiitë jemenas Houthi, të cilët në luftën civile në Jemen po luftojnë kundër koalicionit të udhëhequr nga Sauditët.
Të Premten, Presidenti amerikan Donald Trump dha lejen e tij për të dërguar trupa të ushtrisë amerikane në zonë për të mbështetur mbrojtjen saudite.
Sulmet ndaj stabilimenteve të naftës ‘Aramco’ janë përcaktuar nga Riad-i si një provë për të destabilizuar rendin botëror kundër të cilit, është e nevojshëm një përgjigje unitare globale. Kërkesë që do t'i paraqitet Asamblesë së Përgjithshme të OKB.
Komente
