Ministri i Jashtëm i Iranit, Seyed Abbas Araghchi, ka thënë se raportimet që vrasës të instruktuar nga Teherani për të vrarë presidentin e zgjedhur Donald Trump, janë skenare të fabrikuara.
Abbas Araghchi tha: “Me një zgjedhje tjetër, fabrikohet një skenar i ri me të njëjtin qëllim: pasi nuk ekziston një vrasës në realitet, përfshihen skenaristë për të prodhuar një komedi të kategorisë së tretë.”
Araghchi tha se Irani respekton zgjedhjen e Amerikës për president, por kërkoi “respekt” mes dy vendeve.
“Irani NUK është në kërkim të armëve bërthamore, pikë. Kjo është një politikë e bazuar në mësimet islame dhe llogaritjet tona të sigurisë. Ndërtimi i besimit është i nevojshëm nga të dyja palët. Nuk është një rrugë njëkahëshe.”
Më herët, zëdhënësi i ministrisë së jashtme iraniane, Esmail Baghaei, tha se plani i supozuar ishte një mashtrim nga qarqe të lidhura me Izraelin për ta bërë më të ndërlikuar marrëdhënien Iran-SHBA.
