Foto nga lëshimi i tre satelitëve me raketa në hapësirë
Irani njoftoi se ka lëshuar me sukses tre satelitë në hapësirë me një raketë që më parë nuk arriti të përfundonte misionin. Perëndimi ka frikë se programi përmirëson raketat balistike të Teheranit.
Nisja vjen ndërsa tensionet në rritje mbërthejnë Lindjen e Mesme më të gjerë, duke rritur frikën e konfliktit rajonal. Pamjet e publikuara nga televizioni shtetëror iranian tregojnë lëshimin natën e raketës Simorgh.
Një analizë e pamjeve nga Associated Press tregoi se ajo ndodhi në bazën Imam Khomeini në provincën rurale Semnan të Iranit.
TV iranian i emëroi satelitët e lëshuar Mahda, Kayhan-2 dhe Hatef-1, duke e përshkruar Mahda si një satelit kërkimor, ndërsa Kayhan dhe Hatef si nano-satelitë të fokusuar respektivisht në pozicionimin dhe komunikimin global.
Ministri iranian për Teknologjitë e Informacionit dhe Komunikimit, Isa Zarepour, tha se Mehda tashmë ka dërguar sinjale në Tokë.
Lajmi kryesor:
Lufta/ Sulm me dron në bazën e SHBA në Jordani, 3 ushtarë amerikanë të vrarë, dhjetëra të plagosur! Biden akuzon grupet e mbështetura nga Irani
S.S/ReportTv.al