Ish luftëtari i UÇK Fadil Geci, ish deputet i LDK u pyet në dhomat speciale në Hagë në procesin ndaj ish presidentit Hashim Thaci. Deklaratat e tij ishin të forta sidomos ato për komunikatën e famshme 59 e cila dëmtoi familjen Geci. Ai akuzoi ish-presidentin se është ai shkruesi i saj. Ish luftëtari e cilësoi Thaçin një njeri të rrezikshëm.
Nëpërmjet komunikatës 59 sipas Gecit dukeshin qartë ambiciet politike të përpiluesit, të cilët pas vdekjes së anëtarëve të familjes Jashari shihnin familjen Geci si pengesë. Sipas ish luftëtarit, i cili në këtë rast nuk përmendi emra specifik, persona që ndodheshin në sallën ku ai po dëshmonte i janë gëzuar vdekjes së anëtarëve të familjes Jashari.
“Komunikata 59 është ndër misteret më të përfolur rreth UCK. Një komunikatë pa vulë apo firmë e cila dënonte një linjë kolaboracionistësh” ka thënë Fadil Geci.
