Bota

Ish presidenti polak Lech Walesa: Trump, rifitoni pozicionin e liderit botëror

30 Gusht 2019, 08:01| Përditesimi: 30 Gusht 2019, 08:21

  • Share

Ndërsa Varshava po pret vizitën shumë udhëheqësve botërorë dhe po përgatitet për të kujtuar 80 vjetorin e fillimit të Luftës së Dytë Botërore, e cila nisi më 1 shtator 1939 me një sulm të Gjermanisë naziste kundër Polonisë, ish-presidenti polak Walesa, në një intervistë të publikuar dje nga e përditshmja “Rzeczpospolita”, i ka bërë thirrje Presidentit Trump ta rikthejë SHBA-në në “perandorinë e së mirës”.

“Unë kam një mesazh për presidentin Trump. Për vite me radhë SHBA-ja ka qenë perandoria e së mirës, që ka udhëhequr botën e cila ka nevojë për lidershipin e SHBA-së. Për lidership moral dhe politik, jo vetëm për lidership ekonomik dhe ushtarak. Presidenti Trump, ju kërkoj të rifitoni pozicionin e liderit botëror”.

Duke folur për “perandorinë e së mirës”, ish-presidenti polak iu referua shprehjes “perandori e së keqes” e përdorur në vitin 1983 ndaj ish Bashkimit Sovjetik nga presidenti amerikan Ronald Regan.

75 vjeçari Walesa, 75 vjeç, drejtuesi i parë i Sindikatës ‘Solidaritet’ dhe ish President i Polonisë, është dhe fitues i çmimit ‘Nobel për Paqe’.

Komento

Komente

  • Sondazhi i ditës:

    Trump tarifa doganore 10 për qind Shqipërisë, sa ndikon në ekonomi?