Që në diskutimet e para të grupeve të punës mes Ministrisë së Shëndetësisë dhe Federatës Shqiptare të Futbollit u tha se për të rinisur stërvitjet klubet shqiptare nuk do ta kenë të detyrueshme për të kryer tamponët për COVID-19. Ky vendim u mor për shkak se klubet nuk i kishin mundësitë të blinim tamponët.
Gjithsesi skuadra e Luftëtarit ka bërë përjashtim. Për Report TV drejtori i klubit Artur Dadaj ka deklaruar: ‘Të hënën kemi kryer testet për të gjithë lojtarët, të bërë nga spitali i Gjirokastrës.’
Në këtë mënyrë Luftëtari bëhet klubi i parë dhe i vetëm në futbollin shqiptar që kryen testet për koronavirusin. Gjirokastra është zonë e gjelbër, por shumë futbollistë të skuadrës vijnë nga zona të kuqe.
Komento
