TIRANË - Më shumë se një orë e 20 minuta është pyetur paraditen e kësaj të marte në SPAK, Ish-kryebashkiaku i Shkodrës, Bardh Spahia. Kjo është hera e dytë që Spahia është paraqitur në ambientet e Prokurorisë së Posaçme, pasi më herët ishte pyetur mëngjesin e 2 tetorit.
Ashtu si herën e parë, edhe këtë herë ish kryebashkiaku demokrat i Shkodrës ishte me avokat në SPAK, megjithatë për mediat përsëriti refrenin se ishte thirrur për një gjë pa interes publik, që nuk lidhej me krimin e korrupsionit.
'Është një deklaratë që nuk ka aspak lidhje as me ndonjë çështje korrupsioni dhe as çështje në lidhje me krimin e organizuar. Nuk ka as interes për opinionin publik’, tha ai.
Në fakt Report Tv ka mësuar se arsyeja pse Bardh Spahia është thirrur në Prokurorinë e Posaçme, është një kallëzim për shpërdorim detyre në vitin 2022 nga Mark Molla, ish drejtues i ujësjellës kanalizimeve në Shkodër. Molla është shkarkuar verën e 2022-shit nga Spahia, i cili vendosi drejtor një anëtar të FRPD-së, dhe akuzon Spahiun se ka shkelur ligjin me këtë shkarkim
Lajmi ne perditesim...
Komente
Shkuan dhe te tjerë dje ne Spak po çuditërisht nuk kishte asnjë lajm. Media e pavarur...
Përgjigju