Ish-presidenti Bamir Topi ka zhvilluar një takim të veçantë në Prishtinë me presidenten e Kosovës Vjosa Osmani dhe ish-presidentin e Kroacisë Stipe Mesiç.
Sipas burimeve pranë ish-presidentit Topi në takim u diskutua për situatën e sigurisë në Ballkanin Perëndimor me fokus të veçantë gjendjen në Kosovë.
Gjithashtu pjesë e takimit ishte dhe bashkëpunimi ndërshtetëror mes Kosovës Shqipërisë dhe Kroacisë në kuadër të stabilitetit dhe shtyrjes përpara të proceseve euro-atlantike të Ballkanit Perëndimor.
Nga ana tjetër në takimin që ka zgjatur për gati një orë është diskutuar dhe kriza në Ukrainë. Gjatë vizitës në Prishtinë ish-presidenti Topi ka zhvilluar në takim dhe me kryeministrin e Kosovës Albin Kurti, në prani edhe të ish-presidentit kroat Stipe Mesiç.
