Ish-presidenti francez Nicolas Sarkozy është shpallur sërish fajtor për financimin ilegal të fushatës së tij elektorale në vitin 2012 dhe gjykata e ka dënuar atë me 1 vit burgim. Sorcozy i cili nuk ishte i pranishëm në sallë, mund ta apelojë vendimin e Gjykatës, por prokuroria kishte kërkuar dënimin e tij 1 e 6 muaj me burg. Vendim ky që vjen shtatë muaj pasi ai u dënua në një rast korrupsioni dhe ndikimi të tregtisë.
Nicolas Sarkozy, i cili udhëhoqi Francën në periudhën nga 2007 deri në vitin 2012 ka mohuar fuqishëm akuzat gjatë seancave gjyqësore të mbajtura në maj dhe qershor
Ai akuzohet se ka shpenzuar pothuajse dyfishin e shumës maksimale ligjore prej 22.5 milionë euro në fushatën tij për t'u rizgjedhur, të cilën e humbi nga socialisti Francois Hollande. Prokurorët kanë kërkuar një dënim me 6 muaj burg si dhe një dënim me kusht prej 6 muajsh dhe një gjobë prej 3.750 euro.
Vendimi i së enjtes vjen pasi Sarkozy, 66-vjeç, u shpall fajtor më 1 mars për korrupsion dhe ndikim të tregtisë në një rast tjetër. Ai u dënua me një vit burg dhe dy vite me kusht në këtë rast, por është i lirë në pritje të apelit.
Në rastin e financimit të fushatës, prokurorët arritën në përfundimin se Sarkozy e dinte disa javë para zgjedhjeve të vitit 2012 se shpenzimet e tij, të cilat janë rreptësisht të kufizuara sipas ligjit francez, po i afroheshin maksimumit ligjor. Ai u akuzua se kishte injoruar dy shënime nga kontabilistët e tij që paralajmëronin për çështjen e parave. Përveç ish-presidentit, 13 persona të tjerë dolën në gjyq, përfshirë anëtarët e partisë së tij konservatore republikane, kontabilistë dhe krerët e grupit të komunikimit të ngarkuar me organizimin e tubimeve, Bygmalion. Ata përballen me akuza përfshirë falsifikim, shkelje të besimit, mashtrim dhe bashkëpunim në financimin e paligjshëm të fushatës. Disa kanë pranuar shkeljet dhe kanë detajuar sistemin e faturave të rreme që synonin të mbulonin shpenzimet e tepërta.
