Ditën e djeshme, Fondacioni “Konrad Adenauer”, kishte 10 vjetorin, ndërsa në ceremoni ishin të pranishëm Presidenti Ilir Meta, kreu i PD-së, Lulzim Basha si dhe ish-presidenti i Bundestagut gjerman, Norbert Lammert.
Duke folur gjatë ceremonisë, Lammert është shprehur se vendimi i opozitës për të djegur mandatet nuk ishte gjëja e duhur, duke shtuar se vendimin e kishin marrë për shkak se nuk kishin dalë mirë në zgjedhjet e fundit.
“Nuk më pëlqen që demokratët bojkotojnë parlamentin sepse rezultati i zgjedhjeve nuk është në favor të tyre. Por pyetja është se sa të orientuar drejt së ardhmes janë bojkotet, refuzimi i bashkëpunimit në vend të rrugës së mundimshme për të qenë në konkurencë me njëri- tjetrin dhe në këtë konkurencë të gjejnë zgjidhje të përbashkëta. Çdo gjë është e përkohshme, një vendim është i vlefshëm sot se për të ka pasur një shumicë, por ama mund të korrigjohet nesër nga një shumicë tjetër demokratike”, -tha Lammert.
“Kjo është detyrë e rëndësishme e edukimit politik që të reflektojë dhe të hedhë dritë mbi situata të tilla pasi është e vështirë që më vonë të riaktivizohen këto këndvështrime. Nëse këto nuk kihen parasysh”, tha ndër të tjera ish-presidenti i Bundestagut gjerman, Norbert Lammert.
Komente
kush djek mandate denohete 10 vjete burge ose hiqete si depudete nuk ka te drejte te mari pjese si depudete pergjithmone
Përgjigju