KORÇË- Pas bllokimit një ditë më parë për shkak të motit me reshje dëbore dhe shiu, rruga për mjetet e tonazhit të rëndë në Kapshticë dhe Qafë Thanë është hapur.
Puna vijon normalisht, ndërkohë që në Qafë Thanë qarkullimi për mjetet e tonazhit të rëndë u hap gjatë pasidites së sotme, ndërsa në Kapshticë u hap disa orë më herët.
Bllokimi i kalimit të mjeteve të tonazhit të rëndë u bë më 1 shkurt për shkak të reshjeve të dendura të borës në Maqedoninë e Veriut si edhe në Greqi. Qarkullimi i tyre u ndalua pasi krijohej vështirësi në trafik dhe pengesa për mjetet borëpastruese.
Komento
Komente
