Policia e Tiranës ka vijuar ditën e sotme operacionin e koduar “Catch” për kapjen e personave në kërkim dhe për vepra të ndryshme penale.
Janë vendosur në pranga tre persona të shpallur në kërkim, një prej tyre 34-vjeçari G.G I akuzuar për “Prodhim dhe shtitje të narkotikëve”. Gjykata e Tiranës i kishte caktuar më herët masën e sigurisë “Arrest në burg”.
Nga ana tjetër janë vendosur në pranga dy vëllezër, E. S., 18 vjeç dhe vëllanë e tij 17-vjeçar. Ata ishin dënuar nga Gjykata e Tiranës me një vit burg në total, për disa raste të vjedhjeve të kryera në kryeqytet.
Specialistët për Hetimin e Krimeve të Komisariatit të Policisë Nr. 5 kapën dhe ndaluan shtetasin E. S., 18 vjeç dhe vëllanë e tij 17 vjeç, pasi Gjykata e Tiranës i ka dënuar në total me 1 vit burgim, për disa raste të veprës penale “Vjedhja”. -thuhet në njoftimin e policisë.
Materialet procedurale iu referuan Prokurorisë së Tiranës për veprime të mëtejshme.
Komente
