Është një ndër monumentet më të rëndësishme të artit post-bizantin, që daton në fundin e shek. 18-të, fillim të shekullit 19-të. Kisha e Ungjillizimit në Kozarë të Kuçovës, objekt trashëgimie por edhe shpirtëror, për banorët e zonës, po i nënshtrohet restaurimit....
Ministrja e Kulturës Elva Margariti, ka inspektuar nga afër punimet këtë fundjavë, siç thotë edhe në petkat e arkitektes.
Projekti ka koston e 15 milionë lekëve dhe u nënshkrua në 12 shtator, duke premtuar zbatimin brenda 120 ditëve, por siç tregon Margariti, edhe për këtë monument të kategorisë së parë, si për simotrat e saj, shoqëritë stepen për bashkëpunim...
Vlerat kësaj kishe ia shtojnë afresket e hapësirës së brendshme të realizuara nga piktorët e familjes Çetiri Joani dhe i biri Naumi në vitin 1806.
Në kishë, në të cilën nuk është ndërhyrë prej 15 vitesh do të restaurohen pjesë të naosit, fasadës, hajatit, këmbanarja e dyshemeje po ashtu do të konsolidohet ambienti i muraturës së saj. Nga katër ndërhyrjet restauruese të mëhershme, dy u realizuan gjatë diktaturës.
