Një 62-vjeçar është gjetur pa shenja jete në breg të detit, ditën e sotme në Spille të Kavajës.
62-vjeçari ishte larguar nga banesa më datë 5 shkurt, ndërkohë që sot është gjetur i vdekur. 62-vjeçari Ameli Softa,babai i dy fëmijëve jetonte prej 7-vitesh në lagjen periferike të Beratit "Uznovë",pasi ishte shpërngulur nga Dardha e Korçës.
Ai punonte si bari në shumë qytete të vendit dhe kontakti i fundit që ka pasur me familjen ka qenë në 2 shkurt,ku u kishte komunikuar se kishte gjetur punë në një zonë të Durrësit. Më pas ai nuk ka komunikuar më me asnjë nga familjarët e tij,të cilët e denoncuan të humbur në DPV Berat në 5 Shkurt.
Ameli Softa u gjet dje i vdekur në breg të detit në Kavajë,në trupin e tij nuk ka pasur shenja dhune dhe mendohet se ka rënë aksidentalisht në lumin Shkumbin dhe rrjedha e ka nxjerrë në breg të detit.
Komente
