SHIJAK-Policia ka arrestuar një person, i cili ishte shpallur në kërkim, pasi ishte dënuar me 7 vite e 10 muaj burg i akuzuar për disa vepra penale. I arrestuari është Arben Haxhihyseni 48 vjeç, banues në Elbasan. Haxhihyseni në vitin 2014 u shpall në kërkim pasi është dënuar nga ana e Gjykatës së Shkallës së Parë Elbasan me 1 vit, 10 muaj e 15 ditë burg.
Në vitin 2017, Gjykata e Apelit për Krimet e Rënda Tiranë e ka dënuar me 6 vite burg për veprën penale " Shtrëngim me anë të kanosjes ose dhunës për dhënie pasurie e kryer në bashkëpunim " parashikuar në nenin 109/b të Kodit Penal. Haxhihyesi është person me precedentë penalë të mëparshëm në fushën e veprave penale kundër jetës. Materialet për veprime të mëtejshme i kaluan Drejtorisë Vendore të Policisë Elbasan për ekzekutimin e vendimeve penale.
Komente
