FIER- Pas videos së bërë virale për pjesëmarrjen e tij në takimin e kryeministri Edi Rama në Athinë, drejtori i Teatrit të Bylysit në Fier, dha dorëheqjen nga detyra.
Në një deklaratë për mediat, Klajdi Marku sqaroi gjithsesi, se në Greqi ndodhej për të marrë pjesë në një festival teatror në Korinth dhe rastësia deshi që më 12 maj të mbahej edhe takimi i Ramës me diasporën, një eveniment historik theksoi ai, të cilin nuk mund ta anashkalonte.
Deklaratën se i kanë sjellë “edhe me dëshirë edhe me pahir” në Greqi, Marku thotë se e bëri në formë shakaje, dhe e quan të qëllimshme dhe të turpshme sipas tij - nxjerrjen jashtë kontekstit të bisedës me një të panjohur që e regjistroi me kamer të fshehtë për një emision te Syri.Tv.
“Unë jam aktor dhe regjisor prej shumë vitesh në teatrin Bylis, nuk kam asnjë detyrim partiak ndaj jap dorëheqjen për të ruajtur imazhin personal dhe të artistit”, theksoi Klajdi Marku.
Në Festivalin ndërkombëtar rinor të dramës antike, nga 10-13 maj, i pranishëm sipas axhendës publikuar nga vetë mediat greke, ka qenë edhe kryebashkiaku i Fierit, Armando Subashi
Komente
Gazeta gënjeshtare që nuk paguni taksa
Përgjigju