Fabio Cannavaro do jetë trajneri i ri i Udineses në Serie A. Kampioni i Botës me Italinë dhe Topi i Artë në 2006 rikthehet sërish në futbollin italian, këtë herë me objektivin e qartë për të shpëtuar friulanët nga rrëzimi në Serie B.
Vetëm disa ditë më parë 50-vjeçari ishte në Shqipëri ku zhvilloi një leksion me trajnerët vendas në Tiranë. Edhe pse u përfol Edy Reja si trajneri i ri i Udineses, palët nuk janë dakordësuar.
Nesër Cannavaro do prezantohet para ekipit, me detyrën që është për të mbijetuar. Në dispozicion janë pesë ndeshje dhe 18 minuta (ato me Romën pas ndeshjes së shtyrë) për të treguar se ish-mbrojtësi mund t'ia dalë edhe si trajner.
Al Ahli, Evergrande, Al Nassr, Quanjani, trajner i Kinës dhe Beneventos, këto janë ekipet ku Cannavaro ka drejtuar nga stoli.
Gjendja/ Bardhezinjtë po vuajnë në vendet e fundit dhe kërkojnë të shpëtojnë sezonin, me Cannavaron do zërë vendin e Gabriele Cioffi.
Udinese humbi dje me Veronën dhe mban vendin e 17-të, duke qenë me pikë të barabarta me Frosinonen e një vendi më poshtë.
