Vajza e madhe e Pëllumb Metës, 50 vjeçarit që u vra nga 3 fëmijët e tij dhe u gropos në oborrin e shtëpisë në Shënavlash të Durrësit, ka dhënë dëshminë në polici lidhur me ngjarjen që tronditi vendin ditë më parë.
Ditën e djeshme, ajo është shprehur në komisariat se nuk ka ditur asgjë për vrasjen e babait nga vëllezërit dhe motra e saj dhe se kishte marrë vesh gjithçka nëpërmjet mediave.
Burime për Report Tv, bëjnë me dije se ajo është pyetur mbi marrëdhënien që kishte babai i saj me familjen. Vajza e madhe ka qëndruar në të njëjtën linjë me pjesëtarët e tjerë të familjes sa i takon konflikteve që ato kanë deklaruar se kishin patur vazhdimisht me të ndjerin duke deklaruar se i ati ishte njeri autoritarist që gjithmonë kërkonte të bëhej siç thonte ai.
Në një intervistë që dha 3 ditë më parë për emisionin ‘Pa Gjurmë’, Blerina Meta, bashkëshortja e Pëllumb Metës tha se kishte rënë pre e dhunës së tij për vite me rradhë dhe se vazhdimisht, viktima e kërcënonte atë dhe fëmijët se do t’i vriste.
Ndërsa 3 fëmijët, Hysen, Hygerta dhe Amarildo Meta, u lanë në burg nga gjykata e Durrësit në 26 shkurt nën akuzën e vrasjes së të atit.
B.V/ReportTv.al![](https://www.report-tv.al/template/img/antipiracynote.jpg)