Muhamed Salah ishte njeriu i ndeshjes për Liverpool në sfidën e fituar mbrëmë 4-0 kundër Partizanit të Beogradit. Egjiptiani realizoi dy nga katër golat në takimin e vlefshëm për “Champions League”, ndërsa qëndroi në fushë deri në minutën e 73-të.
Salah me kutinë e dhuruar në dorë
Përveç këtyre detajeve, më shumë bëri përshtypje një shkëmbim dhuratash në fundin e ndeshjes nga Salah. Futbollisti i Liverpool i dha fanellën një vajze që ishte në stadium, ndërsa kjo e fundit si këmbim i dhuroi një kuti misterioze. Mediat angleze shkruajnë se nuk dihet çfarë kishte në kutinë që mori Salah.
Nga foto dallohet që vajza mbante në kokë një shami e cila identifikon arabët, popullsi që ka të njëjtin besim si Salah, fenë myslimane. Ky mendohet të jetë detaji se përse futbollisti zgjodhi vajzën në fjalë për t’i dhënë fanellën.
