David Bennett, 57 vjeç, ishte njeriu i parë në botë të cilit iu transplantua një zemër derri, por dy muaj pas kësaj ndërhyrje, ai ka humbur jetën.
Nuk është ende e qartë se çfarë e shkaktoi vdekjen e Bennett, sipas Qendrës Mjekësore të Universitetit të Maryland, ku u krye transplanti më 7 janar. Ai filloi të përkeqësohej ditët e fundit dhe spitali njoftoi vdekjen e tij ditën e sotme.
Bennett ishte pacienti i parë që mori një organ kafshe të modifikuar gjenetikisht për të parandaluar refuzimin tek njeriu.
Nuk ka ende asnjë shkak të qartë të identifikuar për vdekjen e tij, tha zëdhënësja e spitalit Deborah Kotz, dhe studiuesit planifikojnë të kryejnë një eskpertizë të plotë.
Transplanti, megjithëse i shtoi vetëm dy muaj jetës së Bennett, tregoi se fusha e ksenotransplantimit mund të ndihmojë në zgjidhjen e mungesës së organeve njerëzore.
