Një 38-vjeçar është arrestuar nga policia e Shkodrës, pasi ishte shpallur në kërkim për grabitje me armë dhe plagosje në shtetin Italian.
I riu i identifikuar me inicialet A. N, është vënë në pranga pasi prej një muaji kërkohej nga autoritetet italiane.
38-vjeçari ishte shpallur në kërkim ndërkombëtar, pasi Gjykata e Triestes, Itali, më datë 08.05.2023, ka lëshuar urdhrin e arrestit për veprat penale “Grabitja me armë” dhe “Plagosja”, parashikuar nga Kodi Penal i Italisë.
Gjatë operacionit, uniformat blu në bashkëpunim me forcat “Shqiponja” kanë lokalizuar vendodhjen e 38-vjeçarit në lagjen ‘’Xhabije’’, Shkodër, ku bënë të mundur kapën dhe arrestimin e tij me qëllim ekstradimin drejt Italisë.
Interpol Tirana, në bashkëpunim me Interpol Romën, vijon procedurat për ekstradimin e këtij shtetasi drejt Italisë.
