SHKODER- Ish-efektivi i policisë, Ardian Loci 48-vjeç i shpallur në kërkim për shpërdorim detyre ka rënë në prangat e policisë. Ai ishte shpallur në kërkim pasi Gjykata e Apelit Shkodër e ka dënuar me 1 vit e 10 muaj burg për veprën penale “Shpërdorimi i detyrës”.
Ish-efektiv i FNSH-së akuzohet për dekonspirimin e një operacioni për asgjësimin e bimëve narkotike. Tashmë ai do të hetohet nga Prokuroria e Rrethit Gjyqësor Shkodër.
Në Mars 2017, organi i akuzës paraqiti si provë një transkriptim telefonatash ku dyshohet se Loci dekonspironte aksionet e policisë. Mes lotësh për situatën e vështirë familjare efektivi i FNSH i cilësoi të pavërteta akuzat ndaj tij. Loci deklaroi se punonte prej 21 vitesh në polici ndërsa ishte arrestuar pasi ishte kthyer nga shërbimi prej 4 ditesh në Peshkopi.
Ai kërkoi lirimin nga qelia me pretendimin se gruaja dhe vajza e tij e madhe janë të sëmura, ndërsa ai duhej të kujdesej për vajzën e vogël. Efektivi tha para trupit gjykuese se gjendja e tij ekonomike është e rëndë dhe se ai ishte i vetmi që siguronte të ardhurat për të mbajtur familjen.
"Vijon puna për kapjen dhe ndalimin e personave të shpallur në kërkim. Kapet dhe ndalohet një shtetas i shpallur në kërkim për shpërdorim detyre.
Nga strukturat e Drejtorisë Vendore të Policisë Shkodër, në bazë të informacioneve të marra në rrugë operative, është bërë kapja e personit të shpallur në kërkim, shtetasit Ardian Loci, 48 vjeç, banues në lagjen “Skenderbeg”, Shkodër.
Kapja dhe ndalimi i tij u bë pasi Gjykata e Apelit Shkodër, me vendim nr. 243, datë 21.06.2019 e ka denuar me 1 vit e 10 muaj burg, për veprën penale “Shpërdorimi i detyrës”. Materialet iu referuan Prokurorisë së Rrethit Gjyqësor Shkodër për veprime të mëtejshme", njofton policia.
Komente
M bahet Ardiani lirohet Bardhoki??
PërgjigjuSa bukur! Kete e arrestoni! Kurse sajmen thjesht nje shperdorim detyre! Ec perpara Shqiperi! Krenar qe jemi bijt e shqipes!
Përgjigju