Në konferencën për mediet para sfidës me Ukrainën, kapiteni i Kombëtares, Ardian Ismajli ka "dribluar" merkaton dhe interesin nga "big-ët" e Evropës, duke u fokusuar te ndeshja e së martës në orën 20:45.
"Ndeshja me Ukrainën - E dimë që është e vështirë, varet edhe nga ndeshja Çeki - Gjeorgji. Nesër rrugë tjetër veç fitores nuk ka. Na duhet një barazim nga ndeshja e rivalëve.
E ardhmja te Inter apo Juventus - Nuk dua të flas për merkaton, do e shihni çfarë do bëhet në janar. Këtu jam për Kombëtaren.
Kundër Dovbyk të Romës - Nuk ka rival të lehtë, ai ka kualitet. Kemi analizuar çdo gjë dhe nesër bëjmë më të mirën.
Mbrojtja ka punë gjithmonë, kemi të bëjmë me sulmues të fortë. Kundër Çekisë në Pragë nuk e njihnim mirë rivalin në sulm, në të dytën morëm masa.
Nëse kam mundësi do shënoj, na duhet të ecë mirë ekipi. Nuk ka rëndësi kush shënon.
Triumfi - Publiku dhe faktori fushë, këtu i kemi shpresat. Çdo ekip që vjen këtu ka vështirësi nga tifozët tanë. Na duhet të bëjmë gola, kështu fitojmë, kështu është futbolli. Nesër shënojmë dhe e dimë sa rëndësi ka. Sulmuesit e dinë dhe e kam bindje se nesër shënojnë dhe bëjmë më të mirën për kombin", tha Ismajli.
Lajmi kryesor:
Ndeshja deçizive kundër Ukrainës në 'Air Albania', trajneri Sylvinho: Për ne është finale, në fushë për tri pikë! Asani s'është gati! Kapiten Ismajli: Nesër rrugë tjetër veç fitores nuk ka (VIDEO)
S.Dh/ReportTv.al
