Një ngjarje e rëndë ndodhi pasditen e 4 nëntorit në një punishte zdruktharie në zonën Cueno ku shqiptari 34 vjeçar Klaudio Myrtaj u gjet i vrarë me plumb në kokë. Për ngjarjen e rëndë ka folur edhe e dashura e tij për median italiane La Stampa duke mohuar kategorikisht mundësinë për një krim pasioni.
Hetuesit i kanë kthyer telefonin 40-vjeçares pasi e sekuestruan si provë që do të ndihmonte në zbardhjen e ngjarjes. Ajo ka deklaruar se kishin pasur disa debate në çift për shkak se ai ishte xheloz dhe se "kishte goditur me grusht në dy raste persona të tjerë, por ata nuk ishin ish-të dashurit e mi apo njerëz që unë i njihja".
40-vjeçarja tha se "ishte hera e parë që punonte për shokun e tij, ndoshta për të fituar para. Këtë e ka bërë nga e marta deri të shtunën, me një përjashtim të enjten në mëngjes, kur e shoqërova te mjeku për një dëmtim në dorë. Ne ishim bashkë të enjten në mbrëmje, nuk u pamë të premten, mesazhi i tij i fundit më mbërriti në orën 15:56 të së shtunës, domethënë një orë para vrasjes, që atëherë, unë dhe vajza ime kemi jetuar në terror dhe ankth, vetëm shpresojmë që ata të gjejnë personin përgjegjës".
“Ne ishim bashkë që nga marsi, e donim njëri-tjetrin, kishim disa debate si në çdo çift. Një burrë fantastik, por shumë xheloz. Ai kishte debatuar dhe kishte goditur me grusht në dy raste persona të tjerë, por ata nuk ishin ish-të dashurit e mi apo njerëz që unë i njihja. Askush nuk do ta kishte vrarë për mua, por ndoshta ai do ta kishte bërë. Unë kam pasur eksperiencat e mia, por atë që ai më dha nuk e kam ndjerë kurrë me askënd. Unë isha mbretëresha e tij. Ai kishte ndryshuar jetën e tij për mua dhe për vajzën time, të cilën ai e adhuronte. Ishte hera e parë që punonte për shokun e tij, ndoshta për të fituar para. Këtë e ka bërë nga e marta deri të shtunën, me një përjashtim të enjten në mëngjes, kur e shoqërova te mjeku për një dëmtim në dorë. Ne ishim bashkë të enjten në mbrëmje, nuk u pamë të premten, mesazhi i tij i fundit më mbërriti në orën 15:56 të së shtunës, domethënë një orë para vrasjes. Që atëherë, unë dhe vajza ime kemi jetuar në terror dhe ankth, vetëm shpresojmë që ata të gjejnë personin përgjegjës. Drejtësi për të, për ne, familjen e Klaudios, nënën, motrën e tij. Ne po përgatisnim pasaportat që të shkonim të kalonim natën e Vitit të Ri me ta", deklaroi partnerja e 34-vjeçarit.
