ITALI-Një 26-vjeçar shqiptar ka vdekur në 06:30 të mëngjesit në provincën e Torinos, si pasojë e një aksidenti të rëndë rrugor. Sipas mediave italiane, bëhet fjalë për Rajmond Thacina, nga Shkodra.
26-vjeçari po udhëtonte me automjetin tip “Citroen” sëbashku me një 28-vjeçare rumune, kur u përplas me një automjet të tipit “Fiat”.
Po sipas mediave fqinje, Thacina ka ndërruar jetë në spital, ku u dërgua në gjendje tejet të rëndë shëndetësore. Sa i takon gjendjes shëndetësore të 28-vjecares, raportohet se ajo është dërguar për të marrë trajtimin e nevojshëm mjekësor në spitalin "Giovanni Bosco". Të rinjtë janë nxjerrë nga makina nga një kuzhinier 59-vjecar, i cili po shkonte në punë. Më pas, atij i erdhën në ndihmë edhe zjarrfikësit e Ivrea dhe Castellamonte.
Karabinierët janë duke hetuar për dinamikën e aksidentit, por paraprakisht dyshohet se ngrirja e asfaltit këtë mëngjes mund të ketë ndikuar në aksidentin me pasojë vdekjen.
Komente
