Operacioni i policisë italiane ka bërë të mundur identifikimin dhe shkatërrimin e një bande trafikantësh kokaine në Siçili.
Ndërkohë sipas burimeve të raportuara nga policia Italiane, trafikantët e kokainës janë 6-të shqiptarë. Ata “punonin” në disa parcela domatesh ku dhe bënin fshehurazi transportimin e drogës nën arkat e domateve.
Policia italiane ka vënë në pranga 3 prej tyre, Dashnor Tosku 30 vjeç, Ismet Totkrau 33 vjeç dhe Elis Rustemi 18 vjeç, 2 të tjerë janë shpallur në kërkim ndërsa një tjetër është dëbuar nga territori italian. Operacioni i koduar "Cosuzzo", i cili përputhet me emrin e komunës ku banonin këta trafikantë shqiptarë ka zbardhur me anë të përgjimeve telefonike se kokaina trafikohej me një gjuhë të koduar, ku sipas tyre çdo sasi drogë fshihej nën transportin e arkave me domate.
E ndërsa nga ana e policisë italiane po vazhdojnë hetimet për zbardhjen e bashkëpunëtorëve të tjerë të këtij grupi trafikantësh me qëllim identifikim dhe kapjen e tyre.
Kronikë
Itali, arrestohen 3 shqiptarë, 2 në kërkim për drogë
23 Mars 2018, 18:53| Përditesimi: 23 Mars 2018, 19:07
