Tre të rinj shqiptarë, mes tyre dy vajza janë arrestuar nga policia italiane pasi u kapën me 23 kg kokainë dhe 1 kg hashash të fshehura nën një krevat dopio dhe një divan. Gjatë kontrollit të policëve më 1 gusht në banesën e tyre në Anzola, u vunë në pranga një 27-vjeçari i identifikuar si Julian Prini dhe dy vajzat 24-vjeçare.
Pas kontrollit në banesë, u gjet droga, material për mbështjellje dhe rreth 4 mijë euro cash. Prini ka marrë përgjegjësinë për të gjithë sasinë e lëndës narkotike duke thënë se vajzat i njihte prej vitesh dhe drogën e futi në banesë pa dijeninë e tyre.
Të njëjtin version kanë dhënë dhe dy vajzat, të cilat u liruan ndërsa 27-vjeçari është lënë në burg.
Komento
