ITALI- Italia aktualisht po përjeton një periudhë të vështir sociale ashtu edhe ekonomike për shkak të masave të marra për izolimin dhe kufizimin e aktiviteteve si ekonomike ashtu edhe sociale.
Kryeministri i Italisë Giuseppe Conte ditën e sotme ka folur në lidhje me mbështetjen që do të ofrojë qeveria për qytetarët e prekur nga pandemia shkatërruese.
“Jemi duke punuar për të arritur këtë qëllim, këto masa të reja mbështetëse do të miratohen shumë shpejt” tha Conte.
Conte nuk la pa përmendur dhe pohuar pakënaqësinë sociale dhe psikologjike që po përjetojnë qytetarë dhe bizneset.
Qeveria e Romës po tregon se në këtë luftë kundra virusit qytetarët nuk janë vetëm duke shpërndarë gjatë dy javët e fundit 7.5 miliardë euro , nga fondet kombëtare, për të ndihmuar bizneset dhe punëtorët.
Duke iu përgjigjur rajoneve veriore të tilla si Lombardia , të cilat po bëjnë thirrje për heqjen e bllokimit lokal, kreu i qeverisë theksoi se “Përhapja e virusit duhet të jetë i kufizuar dhe është e rëndësishme që kjo të bëhet sa më shpejt të jetë e mundur”
