Itali- Një 35-vjeçar shqiptar u arrestua me akuzën e dhunës në familje dhe sulmit të rënduar ndaj partneres së tij 23-vjeçare.
Policia e Shtetit të Pordenones ekzekutoi urdhrin e paraburgimit, pas një hetimi të plotë, që konkludoi në abuzimin e vazhdueshëm fizik dhe psikologjik të vajzës së re. Incidenti më serioz ndodhi më 30 korrik.
Pasi u godit me grushte dhe u rrah me dorezën e një fshese, gruaja e re pësoi një thyerje të hundës dhe lëndime të tjera, me një prognozë prej të paktën tridhjetë ditësh.
Megjithatë, ajo arriti të thërriste ndihmë dhe të largohej përkohësisht nga agresori, duke lejuar ndërhyrjen e menjëhershme të makinave të patrullës.
Masa kufizuese ishte e nevojshme për shkak të seriozitetit të ngjarjes dhe përshkallëzimit të mundshëm të krimit në familje, si dhe rrezikshmërinë shoqërore të 35-vjeçarit, që ndodhet në paraburgim, informon media italiane.
Shqiptari ishte i njohur për forcat e rendit, ndërsa nuk kishte leje qëndrimi të vlefshme. Ai u arrestua nga policia dhe u akuzua për dhunë në familje dhe sulm të rënduar.
Komente
Mos i dalte tuni prej andej. Kafshe me fytyre njeriu
Përgjigju