Një shqiptar 33-vjeçar ëshë arrestuar nga policia italiane pasi u kap në flagrancë teksa transportonte 3 kilogramë heroinë.
33-vjeçari shqiptar u arrestua në dalje të autostradës Padova Ovest, duke rënë “pre” e një postblloku të ngritur nga Guarda di Finanza e Padovës, nën drejtimin e major Nikola Gazilli.
Pas ndalimit të dhjetëra makinave, vëmendja e oficerëve u tërhoq nga automjeti tip “Nissan” i drejtuar nga shqiptari.
Dyshimet u përforcuan nga lehjet e shtuara të qenve të trajnuar antidrogë.
Gjatë kontrolleve në automjet u zbuluan tre kilogramë heroinë të ndarë në gjashtë blloqe.
33-vjeçari është shoqëruar në burgun Due Palazzi në Padova dhe është vënë në dispozicion të organeve të drejtësisë.
Ai do të përballet me akuzën e posedimit të lëndëve narkotike për qëllime trafikimi.
