Romë- I njohur tashmë për policinë për shkak të masës së arrestit në shtëpi dhe si person me aftësi të kufizuara pasi lëvizte me karrocë invalidi, një 39-vjeçar shqiptar i është nënshtruar menjëherë kontrollit, veçanërisht për të verifikuar nëse posedonte leje për të qarkulluar jashtë banesës.
Ndërhyrja u bë në zonën e “Giardineti” në Romë, teksa i dyshuari u pa duke qëndruar para një farmacie në karrigen me rrota.
Pasi u konstatua se burri ishte ende brenda afatit të lejuar, pas kontrollit të mëtejshëm policia i gjeti atij një thikë rreth 22 cm të gjatë; Gjithashtu, në çantën që kishte me vete, efektivët gjetën 20 doza me mbi 65 gramë kokainë dhe 1325 euro para të gatshme.
Në përfundim të hetimeve, i riu është arrestuar pasi dyshohet për veprën penale të posedimit me qëllim shitjen e lëndëve narkotike, shkruan "TerzioBinario", duke iu referuar autoriteteve. Por në ndjekje të procedurave të mëtejshme, ai u la përsëri në arrest shtëpiak nga Gjykata, për shkak se është person me aftësi të kufizuara, në karrocë invalidi, si i paralizuar.
Policia kontrollon karrocën e invalidit të shqiptarit të dyshuar dhe çantën
