Itali- Katër të rinj me kombësi shqiptare, janë arrestuar në fundjavë nga karabinierët e Kompanisë Casale, me akuzën e përleshjes në grup, në motive ende të panjohura.
Debati i dhunshëm ka ndodhur rreth orës 18:00 të së premtes, në ‘Piazza Castello’. Shkaqet e përleshjes nuk janë përcaktuar ende, ndërsa policia nuk jep asnjë informacion në lidhje me të.
Disa kalimtarë kanë qenë dëshmitarë të përplasjes dhe në vendngjarje kanë ndërhyrë edhe organet e tjera ligjzbatuese.
Paraprakisht bëhet e ditur se të katër personat janë përleshur fizikisht mes tyre, por detajet mbeten të rezervuara, sipas medias së vendit fqinj.
Paraditen e djeshme, të arrestuarit janë vendosur nën akuzë dhe do të dalin para Gjykatës së Vercellit, për seancën e vlefshmërisë.
Komento
Komente
