Bota

Itali/ Përmbytje në Siçili, bllokohen rrugët, uji 'rrëmben' automjetet! Zjarrfikësit kryejnë 100 operacione shpëtimi (VIDEO)

Reshjet e dendura të shiut kanë shkaktuar përmbytje të rënda në rajonin sicilian të Messinës, duke bllokuar rrugët dhe duke rrëmbyer automjete me rrjedhën e ujit. Zjarrfikësit ndërhynë me mbi 100 operacione shpëtimi, për të ndihmuar banorët e izoluar në shtëpitë e tyre.

3 Shkurt, 08:09| Përditesimi: 3 Shkurt, 22:18

  • Share

ITALI - Reshjet e dendura të shiut kanë shkaktuar përmbytje të rënda në rajonin sicilian të Messinës, duke bllokuar rrugët dhe duke rrëmbyer automjete me rrjedhën e ujit. Zjarrfikësit ndërhynë me mbi 100 operacione shpëtimi, për të ndihmuar banorët e izoluar në shtëpitë e tyre.

Sipas autoriteteve, në vetëm katër orë ra sasia e reshjeve që zakonisht bie për një muaj, duke e bërë sistemin e kullimit të paaftë të përballonte prurjet. Lumenjtë e dalë nga shtrati krijuan rrëke balte, duke përmbytur zonat urbane dhe duke marrë me vete makina të parkuara pranë ujërave.

Moti i keq ka prekur edhe Kalabrinë, ku kryetari i bashkisë së Catanzaros, Nicola Fiorita, i ka bërë thirrje qytetarëve të shmangin daljen nga shtëpia për të garantuar sigurinë e tyre.

Autoritetet meteorologjike paralajmëruan me kohë për rrezikun, duke ndihmuar në shmangien e viktimave. Megjithatë, situata mbetet e rëndë dhe ekipet e emergjencës janë në gatishmëri për ndërhyrje të mëtejshme.

G.K/S.G/ReportTv.al
Komento

Komente

  • Tunxh o bir: 04/02/2025 10:07

    Dhe qahen durrsianet e kenetes,,per dy pllom uje

    Përgjigju
  • Sondazhi i ditës:

    A e keni vendosur se për kë do të votoni më 11 maj?