Itali- Karabinierët e Padovës arrestuan një shqiptar të dyshuar si pjesë e një grupi ‘skifterësh’ në Itali dhe ndaj të cilit kishte urdhër arresti për dy dënime të dhëna nga gjykata, me total rreth 8 vite burgim.
Aksioni u krye në zonën e Loreggia, teksa 46-vjeçari ishte i njohur edhe për precedentët e shumtë penalë.
Ndaj tij ishin lëshuar edhe dy urdhra arresti për krime të ndryshme nga Prokuroria, teksa rezultonte i dënuar.
I arrestuari u dërgua në burgun e rrethit të Padovës, ku do të vuajë dënimin me burgim prej një viti e dy muaj, për veprën penale të vjedhjes me thyerje, të kryer në Dueville, në zonën e Vicenzës, në vitin 2011, dhe 6 vjet, 4 muaj e 23 ditë burg në mungesë, për krimet e vjedhjes, marrjes së mallrave të vjedhura dhe vjedhjes së rëndë, të kryera në provincën e Lucca.
Media e vendit fqinj informon se shqiptari është izoluar në qeli, për të vuajtur në total rreth 8 vite burgim.
Komente
