Një 59-vjeçar shqiptar po lufton me vdekjen në spital, teksa është gjetur i plagosur rëndë mëngjesin e djeshëm, me një plagë plumbi në kokë.
Dyshimet e para janë për një atentat për motive e rrethana për të cilat policia italiane po heton, pasi nuk përjashtohen konfliktet apo një ngjarje aksidentale, ku dikush nga zona provonte armën e tij nga shtëpia për qitje.
Ngjarja ka ndodhur rreth orës 09:30 të ditës, në zonën e Alta të Padovës, në rrugën Casoni në Fontaniva. Viktima është identifikuar si Fatos Cenaj, banor i qytetit.
Karabinierët e Njësisë Hetimore shkuan menjëherë në skenën e krimit dhe po hetojnë në vendngjarje.
Disa shoferë në tranzit vunë re një çiklist në tokë, i identifikuar më vonë si Fatos Cenaj dhe menduan se ishte një aksident rrugor. Paramedikët e 118 mbërritën menjëherë në vendngjarje. Vetëm pas pak minutash inspektimi, stafi mjekësor e kuptoi menjëherë se rënia nga biçikleta ishte shkaktuar nga diçka shumë më serioze.
“Burri, një 59-vjeçar nga Fontaniva me origjinë nga Shqipëria, kishte një plagë me armë zjarri në fytyrë. Ai u stabilizua dhe u transportua në spital me urgjencë ekstreme. Ai është në një prognozë të rezervuar në rrezik për jetën. Punonjësit e shëndetësisë që u kujdesën menjëherë për të po bëjnë gjithçka që munden për ta shpëtuar. Sapo u kuptua se nuk ishte një rënie normale, por një situatë shumë më delikate, Karabinierët e Njësisë Hetuese të Departamentit të Operacioneve të komandës provinciale të Padovës mbërritën në Fontaniva”, informoi media italiane.
Për momentin, për arsye të dukshme, nuk përjashtohet asnjë pistë. Ndër më të akredituarat është hipoteza se dikush e goditi nga një makinë në lëvizje dhe pista e parë shihet ajo e një hakmarrjeje të mundshme.
Një tjetër hipotezë është konflikti në zonë, ose që dikush nga shtëpia donte të provonte një pushkë dhe aksidentalisht goditi burrin fatkeq, i cili po udhëtonte për relaks me biçikletë.
Policia ka marrë edhe pamjet filmike të kamerave të sigurisë në zonë, të mbikëqyrjes me video të bashkisë që ndodheshin në zonë.
Disa dëshmitarë të incidentit u intervistuan për orë të tëra në stacionin e policisë për të zgjidhur misterin. Në pyetje po merren edhe familjarët e shqiptarit.
Një skenar gjithnjë e më shqetësues po merr formë lidhur me plagosjen e rëndë të Fatos Cenajt, 59 vjeç, shqiptar dhe ish-punonjës policie i respektuar për vite me radhë në vendlindje.
Fillimisht u dyshua se ai ishte plagosur aksidentalisht nga një karabinë, ndoshta nga ndonjë banor i zonës që po provonte një armë të re. Por kjo pistë duket se ka rënë, ndërsa hetuesit po përqendrohen tek mundësia e një atentati të qëllimshëm.
Ngjarja ndodhi mëngjesin e së dielës, më 8 qershor, pak pas orës 08:00, në rrugën "Casoni Basse" në Fontaniva një zonë e qetë rurale, ideale për të goditur dhe për t’u larguar pa lënë gjurmë.
Sipas hetimeve paraprake, dyshohet se një makinë iu afrua Cenajt nga pas, teksa ai po shkonte me biçikletë drejt fermës ku punonte, rreth dy kilometra larg shtëpisë. Nga dritarja e automjetit, autori mund ta ketë qëlluar nga afërsia, duke e rrëzuar në tokë, raportojnë mediat në Itali.
Plaga pranë veshit është thuajse e padukshme, çka ka shtuar dyshimet se mund të jetë përdorur një armë e vogël, ndoshta një pistoletë sportive me silenciator.
Një nga pistat kryesore të hetimit është ajo e një hakmarrjeje të mundshme. Dyshohet se gjatë karrierës si polic, Cenaj mund të ketë penguar ndonjë personazh të botës së krimit, i cili pas shumë vitesh ka kërkuar hakmarrje.
Gjendja e tij shëndetësore mbetet kritike. Ai ndodhet në spital, nën kujdes intensiv dhe në rrezik për jetën. Të afërmit dhe miqtë përjashtojnë çdo konflikt personal në Itali në Fontaniva ai njihej si njeri i qetë dhe pa probleme me askënd.
Hetimet nga karabinierët e drejtuar nga nënkoloneli Enrico Zampolli po vijojnë me vështirësi. Grupi hetimor po analizon të dhënat celulare për të identifikuar çdo pajisje që ka kapur sinjal në zonën e ngjarjes në orët e atentatit një zonë ku mund të hysh e dalësh lehtësisht pa u vënë re.
Komente
