Perugia- Agjentët e komisariatit të Assisi në Perugia, njoftuan se arrestuan një 22-vjeçar shqiptar, për trafik droge dhe denoncuan administrativisht një tjetër 23-vjeçar, si përdorues droge.
Aksioni u krye dy ditë më parë në rajonin e Umbria-s, pas vëzhgimit që iu bë të dyshuarit shqiptar, i cili bënte lëvizje të çuditshme. Ai i shkoi te banesa 23-vjeçarit përdorues për t’i dërguar dozën e radhës dhe më tej është larguar me makinë drejt qytetit.
Duke u bërë i dyshimtë, policia vendosi ta ndalonte dhe t'ia nënshtronte kontrollit, teksa iu gjetën rreth 200 euro cash dhe një celular.
Më pas, efektivët i janë nënshtruar një kontrolli edhe të riut tjetër, i cili është shtrirë në banesën e tij, ku iu gjet një fragment lënde narkotike si hashash, një lugë me mbetje të një lënde pluhuri të bardhë, ndoshta e llojit kokainë peshore.
I pyetur nga policia, ai ka konfirmuar se lëndën narkotike e kishte blerë nga i riu shqiptar, emri i të cilit nuk u publikua. Policia po heton edhe nëse dy të rinjtë janë pjesë e të njëjtës celulë shpërndarjeje.
