Bolonja- Një shqiptar akuzohet se ka sulmuar dhe plagosr me thikë në një krim pasioni dhe xhelozi të dashurin e gruas së tij.
I dyshuari e kishte befasuar bashkëatdhetarin duke e kapur në befasi, duke e goditur disa herë me thikë nga pas shpine. Ngjarja ndodhi në parkingun e qendrës tregtare Gran Reno në Casalecchio di Reno, më 15 korrik, në Bolonja dhe u publikua së fundmi nga mediat.
I dyshuari është një 43-vjeçar shqiptar që u arrestua gjatë natës së kaluar (21 korrik) në kufirin e Ventimiglia-s.
Karabinierët në Liguria e prangosën atë në bazë të një urdhri ndalimi të lëshuar ditët e fundit nga autoritetet gjyqësore të Bolonjës, pas një hetimi të shpejtë të kryer nga Karabinierët e kompanisë Borgo Panigale, të udhëhequr nga Kapiten Giorgia De Acutis.
“Sulmi i dhunshëm ndaj një burri 29-vjeçar ishte përshkallëzuar në një grindje të zjarrtë që përfshinte gruan e sulmuesit, gjithashtu shqiptare. Sipas hetuesve, i dyshuari ishte larguar nga Italia menjëherë pas incidentit dhe ndodhej në Francë. Ai u ndalua në kufi ndërsa përpiqej të rihynte në vend”, informon media italiane.
I plagosuri ndodhet ende i shtruar në spital, me një prognozë 30-ditore. Zyra e prokurorit të Bolonjës lëshoi një urdhër paraburgimi kundër sulmuesit të dyshuar, duke e akuzuar atë për tentativë vrasjeje dhe armëmbajtje pa leje.
43-vjeçari do të përballet me seanca paraprake dëgjimore në ditët në vijim. Ndërkohë, karabinierët po vazhdojnë hetimet e tyre për të sqaruar rrethanat e sakta të ngjarjes.
Komente
