Itali- Karabinierët e Gubbio kanë arrestuar një 26-vjeçar shqiptar në rajonin e Umbrias, që u kap në flagrancë ndërsa vazhdimisht fuste dorën në disa të çara në mure, ku më pas rikthehej për t’i marrë dhe shitur te përdoruesit.
Efektivët pikasnë lëvizjet dhe sjelljet e dyshimta të të riut, duke e ndjekur për të parë pikat se ku ai vendoste lëndën narkotike. Në dy prej këtyre pikave zbuloi 9 doza kokainë dhe vijuan të monitoronin në distancë 26-vjeçarin, para se t’i vinin prangat.
Në momentin që ai u rikthye për t’i marrë, karabinierët e futën në kurth. Shqiptari bëri rezistencë dhe u përpoq të arratisej duke sulmuar fizikisht edhe efektivët, por pa sukses. Me vete iu gjetën edhe pesë doza të tjera kokaine, duke e çuar totalin në katërmbëdhjetë, informon media italiane.
Përveç drogës, u sekuestruan edhe 1360 euro cash. Gjykata e Perugia e vlerësoi arrestimin të ligjshëm dhe urdhëroi masën paraprake të ndalimit të qëndrimit në territorin e rajonit të Umbrias.
Komente
