Itali- Një histori aspak e zakontë ka ndodhur në Itali, ku një ‘skifter’ shqiptar pasi dështoi të vidhte biçikletat e parkuara në banesën e një çifti në Via della Visitazione të Trentinos, vendosi ta çonte deri në fund misionin e ti, sepse nuk e pranonte dot dështimin.
Ai priti që bashkëshortët të dilnin nga godina, duke u zënë pritë pranë një marketi të zonës, teksa i kërcënoi me kaçavidë.
“Më jepni 100 euro për biçikletat që nuk ua vodha dot, ndryshe do ju lëndoj!”, u ka thënë ai mes të tjerash. Ngjarja sipas policisë vendore kishte ndodhur në “Via Milano”.
Policia mori njoftimin për agresionin, pak pasi kishte rikuperuar biçikletat e para që autori braktisi në rrugë pasi nuk ariti t’i vidhte dot.
Ata u telefonuan nga çifti i pronarëve të apartamenteve, që thanë të përlotur se ishin ndjekur dhe bllokuar brenda një lokali tregtar në “Via Palermo” dhe kërcënuar nga i dyshuari.
Të gjitha patrullat në zonë u njoftuan menjëherë dhe mbërritën në zonë brenda pak minutash, informon media italiane.
Edhe pse u arratis për herë të dytë, oficerët e policisë arritën ta kapnin atë ndërsa po ikte në rrugica, pas një ndjekjeje të shkurtër, duke e prangosur. Hetuesit po verifikojnë edhe për përfshirjen e tij në krime të tjera të ngjashme.
Komente
Per droge, prostitucion e hajdutllek nuk e kalon kush or teeeejjjjj
Përgjigju